09:00 Skráning og kaffi
Til að skrá sig fyrirfram nægir að senda nafn og fyrirtæki/vinnustað gests á skelraekt@skelraekt.is
Tilgreinið einnig þáttöku í kvöldverði á KEA (kr 6.400)
10:00 Stefán B. Sigurðsson Rektor Háskólans á Akureyri setur ráðstefnuna
Hrygning, lirfusöfnun og vöxtur. Rannsóknir á Vestfjörðum.
Yfirlit yfir gagnasöfnun ræktunarfyrirtækja á Vestfjörðum frá 2006 til 2011.
Jón Örn Pálsson M.Sc. Sjávarútvegsfræðingur.
Stytting ræktunartíma, þungmálmamælingar í kræklingi ofl.Ólafur Ögmundarson, M.Sc. Matís
Stofnstærðarmat kræklings og útbreiðsla Dr. Guðrún Þórarinsdóttir
Hafrannsóknastofnunin Eftirlit og leyfisveitingar
Dr. Þór Gunnarsson, MAST
Mælingar á þörungaeitri í kræklingi/skelfiski – Aðferðafræði og vöktun.
Bjarni Jónasson, Biopol
12:10 - 12:50 Hádegishlé – mötuneyti HA
Nýtingaráætlun og strandsvæðaskipulag Gunnar Páll Eydal, M.Sc. Umhverfisfræðingur, Fjórðungssamband Vestfirðinga, Teiknistofan Eik.
Vottun afurða og markaðsmál
Björn Theodórsson ráðgjafi, Vatn og Sjór
Áhættumat í skelfiskframleiðslu Dr. Hjörleifur Einarsson, matvælafræðingur, HA.
Markaðssetning og sala kræklings, yfirlit
Neil Shiran K. Þórisson,viðskiptafræðingur Verkefnastjóri Vaxtarsamnings Vestfjarða
Stytting ræktunartíma, vaxtarmælingar
Hreiðar Þ. Valtýsson, fiskifræðingur
Forstöðumaður Sjávarútvegsmiðstöðvar HA.
15:00 Kaffihlé
Kræklingarækt, undirstöðuatriði
Björn Theodórsson, Vatn og Sjór
---
Laugardagur 2. apríl Hótel KEA
09:00 Kaffi
09:30 Walter Speirs Framkvæmdastjóri Muckairn Mussels og fyrrverandi stjórnarformaður Scottish Shellfish Marketing Group
Uppbygging Scottish Shellfish - markaðssetning í Bretlandi og Evrópu - skilyrði til innflutnings á Evrópumarkað - mat á möguleikum Íslands til skelræktar og útflutnings
Hlé
Umræður
12:10 Hádegishlé
13:00 Aðalfundur Skelræktar ---
Ráðstefnugjald er kr. 3.000. Frítt fyrir háskólanema. Innifalið er ráðastefnan þann 1. og 2. apríl með kaffi. Auk þess léttur hádegisverðar á laugardegi H. KEA fyrir aðalfundarmenn.
Hátíðarkvöldverður á Hótel KEA er hinsvegar ekki innifalinn en Skelrækt hefur fengið tilboð í hann kr
kr 6400.
Einnig á hótel KEA:
Eins manns herbergi Kr. 11.360,- pr.nótt
Tveggja manna herbergi Kr. 14.240- pr.nótt
Morgunverður af hlaðborði innifalinn
Skelræktarmenn eru hvattir til að sækja um aðild að samtökunum. Árgjald er kr 25.000
Einnig eru menn hvattir tila að huga að aðalfundinum. Til dæmis að hafa tilbúnar tillögur að lagabreytingum, framboð til setu í stjórn osfrv.
---
Ítarefni:
Dr. Guðrún G. Þórarinsdóttir starfandi sjávarlíffræðingur á Hafrannsóknastofnuninni s.l. 20 ár við rannsóknir á kúfskel, hörpudiski, kræklingi og sæbjúgum. Meistarapróf í kræklingarækt frá Árósarháskóla og doktorspróf í hörpudiskrækt frá sama skóla.
Útdráttur ú fyrirlestri:
Fjallað verður um helstu niðurstöður samstarfsverkefnis á milli Matís, Hafró, Háskólans á Akureyri og kræklingræktenda, sem styrkt var af AVS. Verkefnið gekk út á kortlagningu og stofnstærðarmat kræklings í Hvalfirði og könnun í Breiðafirði með nýtingu smáskelja til áframræktunar í huga.
Stofnstærðarmatið í Hvalfirði leiddi í ljós töluvert stóran veiðalegan stofn og miðað við 10% veiðikvóta af stofnstærð væri hægt að veiða árlega 1 500 tonn í firðinum. Uppistaða stofnsins á flestum svæðum eru stórar skeljar sem ekki henta til áframræktunar en þó eru nokkur svæði þar sem 20-30% skelja eru < 40 mm að lengd og mætti nýta til framhaldsræktunar.
---
Dr. Hjörleifur Einarsson, matvælafræðingur
Prófessor, skorarform viðskipta- og raunvísindad Háskólans á Akureyri
Menntun - Academic Background
Íslenska
1987: Ph.D. í matvælafræði frá Chalmers University of Technology, Department of Food Science, Gautaborg, Svíþjóð.
Rannsókna- og fræðasvið/áherslur í faglegu starfi:
Rannsóknir mínar eru á sviði hagnýtrar örverufræði og líftækni auk rannsókna sem tengjast vinnslutækni matvæla. Rannsóknir í hagnýtri örverufræði og líftækni hafa það m.a. að markmiði að finna lausnir á vandamálum og leysa úr læðingi tækifæri sem blasa við á sviði heilbrigðis-, matvæla-, umhverfis- og orkumálamála. Niðurstöðurnar munu nýtast í mörgum mismunandi greinum svo sem matvæla-, fóður og snyrtivöruiðnaði en einnig í hátæknifyrirtækjum, orkuiðnaði og greiningariðnaði og við kennslu.
Sem dæmi um verkefni/svið má nefna:
Lífefnaleit
Örverur við hverastrýtur
Sérvirk íblöndunarefni
Prótein marinering
Markaðsvörur úr þangi og þörungum
Geymsluþolsspár
Örverufræði vinnslunnar
Gæði og öryggi matvæla
---
Hreiðar Þór Valtýsson, fiskifræðingur
Forstöðumaður Sjávarútvegsmiðstöðvarinnar við Háskólann á Akureyri
1996 –1999 University of British Columbia (UBC), Department of Zoology, Fisheries Centre, í Vancouver, Kanada. Meistaranám í fiskifræði undir leiðsögn prófessors Carl J. Walters. Námi lokið með ritgerð og formleg M.Sc. gráða veitt í maí 1999.
Forstöðumaður Sjávarútvegsmiðstöðvarinnar við Háskólann á Akureyri (50% starf) og Háskólinn á Akureyri, sjávarútvegsbraut (lektor, 50% starf). Ritstjóri Upplýsingaveitu um sjávarútveg www.fisheries.is
---
Neil Shiran K. Þórisson, viðskiptafræðingur
Verkefnastjóri Vaxtarsamnings Vestfjarða
Neil Shiran Þórisson hóf störf hjá félaginu í nóvember 2007. Hann hafði áður starfaði hjá félaginu á tímabilinu 2002-2005. Hans verkssvið er framkvæmdarstjórn Vaxtarsamnings Vestfjarða auk annarra sérverkefna á sviði atvinnu- og byggðaþróunar. Einnig sinnir hann tilfallandi verkefnum við ráðgjöf til einstaklinga og fyrirtækja.
---
Gunnar Páll Eydal, umhverfisfræðingur hjá teiknistofunni Eik, ísafirði.
Nytingaráætlun og strandsvæðaskipulag. Verkefni á vegum Fjórðungssambands Vestfirðinga.
Erindi Gunnars Páls fjállar um þá vinnu sem nú stendur yfir við skipulag og nýtingaráætlanir á strandsvæðum. Fyrsta svæðið sem tekið er fyrir er Arnarfjörður. Nálgun á verkefnið er þríþætt, hagsmunir umhverfis, opinberir hagsmunir og hagsmunir atvinnulífs.
Nýtingaráætlun fyrir strandsvæði Vestfjarða
Fjórðungssamband Vestfirðinga Teiknistofan Eik og Háskólasetur Vestfjarða vinna nú að verkefninu Nýtingaráætlun fyrir strandsvæði Vestfjarða. Vinna við verkefnið hófst árið 2009 þegar hafist var handa við að skrá núverandi nýtingu alls strandsvæðis við Vestfirði. Upplýsingum var m.a. safnað á opnum fundum á Drangsnesi, Reykhólum, Patreksfirði og Ísafirði í nóvember það ár. Í framhaldinu var ákveðið að horfa fyrst um sinn til Arnarfjarðar. Nýtingaráætlun fyrir Arnarfjörð er því tilraunaverkefni, og verða niðurstöðurnar nýttar í framhaldinu til að gera sams konar áætlun fyrir Vestfirði alla. Vestfirðir eru kjörið svæði til að þróa aðferðafræði fyrir slíka áætlanagerð.
Gunnar Páll lauk B.S gráðu í jarðfræði við Háskóla Íslands árið 1997. Meistaraprófi í umhverfis- og auðlindastjórnun við Simon Fraser University, The School of Resource and Environmental Management lauk hann árið 2004. Aðaláhersla Gunnars í því námi var á sjálfbæra ferðaþjónustu og skipulag og rekstur verndaðra svæða. Lokaverkefni hans fólst í að gera sjálfbært stjórnunarkerfi fyrir Bláfjallafólkvang.
---
Dr. Þór Gunnarsson Fagsviðsstjóri, Matvælastofnun
Framleiðsla og rannsókir á skelfiski og skelframleiðslusvæðum.
Eftirlit og leyfisveitingar;
Fjallað verður um helstu þætti í áhættumiðuðu eftiliti Matvælastofnunar með þörungum og þörungaeitri, sem er ætlað að tryggja heilnæmi og öryggi skelfisksafurða. Jafnframt verður farið yfir hvað atriði framleiðendur skelfisks þurfa að uppfylla til geta sett framleiðslu sína á neytendamarkað.
---
Björn Theodórsson ráðgjafi, Vatn og Sjór
Vottun afurða og markaðsmál
Útdráttur erindis:
Erindið fjallar um möguleika á vottunum afurða kræklingaræktar sbr. lífrænavottun, vottun sjálfbærni og fl. Einnig verður tekið fyrir innri gæðastýring og tækifæri til myndurnar sérstöðu fyrirtækis á sviði ímyndar, merkinga og markaðssetningar.
---
Mælingar á þörungaeitri í kræklingi/skelfiski – Aðferðafræði og vöktun.
Bjarni Jónasson, Biopol
Eitt af markmiðum BioPol er að styðja við atvinnuuppbyggingu við Húnaflóa og því fannst okkur tilvalið að reyna að tengjast verkefnum um kræklingarækt. Í því fólst m.a að kanna hvernig vöktun á eiturþörungum og mælingar á þörungaeitri í skelfiski færi fram á Bretlandseyjum. Í því sambandi höfum við verið í samstarfi við Scottish Association for Marince Science í Oban í Skotlandi og fyrirtækið VeroMara sem einnig er í Oban. Í framtíðinni sjáum við okkur sem þjónustuaðila við kræklingaræktendur. Við hyggjumst bjóða upp á þjónustumælingar í auknu mæli og þessa stundina erum við mest að velta fyrir okkur fljótvirkum og einföldum mæliaðferðum á þörungaeitri sem geta nýst við innra eftirlit kræklingaræktenda, sem skimunartæki á rannsóknarstofum og við rannsóknir. Einnig bjóðum við upp á þjónustu við lirfuvöktun, getum útvegað sýnatökubúnað henni tengdri á góðu verði og talið lirfur í sýnum. Svo ætlum við að sjálfsögðu að halda áfram að vera virk í rannsóknum. Erindið mun að mestu fjalla um þær aðferðir sem notaðar eru í dag til að mæla þörungaeitur í kræklingi og hvað við teljum að muni verða notað í framtíðinni. Við munum fjalla um hvernig nýta má fljótvirkar mæliaðferðir á þörungaeitri í skelfiski og/eða sjó og vöktun eitraðra þörunga við framleiðslustýringu. Síðan væntanlega kynnum við eitthvað hvað við hyggjumst bjóða upp á. Síðan erum við að spá í að hafa með okkur svokölluð Jellett Rapid Tests sem eru einskonar „óléttupróf“ og hafa til sýnis og kynna fyrir mönnum. Einnig værum við til í að fá að stilla upp víðsjá og hafa kræklingalirfur til sýnis. ---
Gestafyrirlesari er Walter Speirs frá Skotlandi og flytur hann erindi laugardaginn 2 apríl kl: 09:30.
Fyrirlesturinn mun fjalla um uppbyggingu og þróun kræklingaræktar í skotlandi og þær aðferðir sem voru
notaðar til að byggja upp þann öflugan matvælaiðnað sem kræklingarækt er í Skotlandi. Sérstök áhersla
verður á hvernig staðið var að stofnun samtaka kræklingaræktenda og hvernig markvisst var staðið að
uppbyggingu samtakana, samstarfi við opinberar stofnanir og þróun kræklingaræktar.
Walter er einn fremsti frumkvöðull á sviði kræklingaræktar þar í landi og er óhætt að segja að hann sé
einn sá virstasti í greininni nú um stundir enda á hann að baki farsælan feril sem kræklingaræktandi,
formaður samtaka kræklingaræktenda og hefur að auki gengt fjölmörgum ráðgefandi og trúnaðarstörfum
innan kræklingaræktar undanfarna áratugi. Ráðstefnan er kærkomið tækifæri til að kynna sér möguleika
greinarinnar.
Walter Speirs er einn af stofnendum Scottish Shellfish Marketing Group sem voru stofnuð af ræktendum sjálfum og eru enn rekin sem samvinnufyrirtæki af helmingi ræktenda í Skotlandi. Speirs var lengi stjórnarformaður Scottish Shellfish og þekkir því sögu uppbyggingar ræktunar og markaðssetningar kræklings í Skotlandi frá fyrstu hendi.
Speirs starfar nú sem framkvæmdastjóri Muckairn Mussels og er einnig eftirsóttur rjáðgjafi í greininni.
http://www.scottishshellfish.co.uk/
http://www.muckairn-mussels.com/
